El Proget Balestrer, ciamad inscì in onor del Meneghin Balestrer, che l’ha voltad La Gerusalemme Liberata in lombard, l’è dedicad a la traduzzion de contegnud moderni, soratut software, in lengua lombarda.
Software
Telegram
L’Academia l’è ‘dree a desvilupà una version in lombard de la famosa aplicazzion Telegram. Tucc i dovrador de l’Android poeuden doperàlla a schiscià chì. Per sgiontàss a la traduzzion, sentes liber de contatà l’Academia.
Minecraft
L’Academia l’ha colaborad per voltà el Minecraft Java Edition in lombard, lengua che adess se poeu doperà in anca in del launcher comun del sgioeugh. L’Academia l’ha dad varie consulenze in sul doperà de la grafia NOL e in sui parolle per voltà i concet del sgioeugh.
Per sgiontàss a la traduzzion, te gh’heet de iscrives al Crowdin e cercà la traduzzion del Minecraft e del Minecraft Launcher e poeu schiscià in su “Lombard”.
LaunchPad
La piataforma per el ransgiament e la traduzzion del software liber LaunchPad la suporta la lengua lombarda grazzia a l’impegn de l’Academia che l’ha domandad de metela dent inscì de volzà el suport per la lengua in del software.
WordPress
Al moment l’Academia l’è ‘dree a colaborà per voltà el WordPress in lengua lombarda.